Skoolgeskiedenis

Tydlyn

1921 Hoërskool Lichtenburg het op 18 Januarie 1921 sy deure geopen met Hansie Markötter aan die stuur van sake.
1922 Die skool se getalle staan nou op 242 leerders. Die besluit word geneem om die eerste koshuis, Justitia, in ‘n eg Kaaps-Hollandse boustyl te bou.
1923 Etrich Mayer, ʼn bekende kunsskilder, ontwerp ons skoolwapen, terwyl ons leuse, “Daar’s ‘n stryd te stry, daar’s werk”, deur Theo Craus, ʼn onderwyser wat Afrikaans by die skool aangebied het, geskep is. Kenmerkende eienskappe van die distrik, naamlik ʼn ploeg, ‘n mielie, diamante en sprinkane, verskyn op die wapen.
1930 Daar word besluit om ʼn tweede koshuis, naamlik Aanhouwen, te bou.
1939 Die skoollied word deur Valmai Batty, die Engelse onderwyser, geskryf en deur Terstegen van Huyssteen, die sangonderwyser, getoonset.
1953 Die Sprinkaan – die skool se eerste koerant – maak sy verskyning.
1971 Die musieksentrum word gebou en mej Cronjé word die eerste musiekonderwyseres.
1976 Die onthaallokaal word ingewy en die skoolkoerant se naam verander na Die Serankure.
1996 Die Astrant, die huidige skoolkoerant, sien dié jaar die lig.
2001 Hestrie Cloete, ʼn oud-leerder, word ons eerste Olimpiese kampioen in hoogspring. Haar afrigter, Martin Marx, is steeds ʼn onderwyser verbonde aan die skool.
2013 Hoërskool Lichtenburg word aangewys as die beste akademiese skool in die Noordwes Provinsie.

 

Hoofde

1921 – 1921:
Mnr H Markötter
1922 – 1935:
Mnr CH Steyn
1936 – 1943:
Mnr JP Malan
1943 – 1949:
Mnr PJ Conradie
1950 – 1966:
Mnr DJ Rousseau
1967 – 1974:
Dr AJK Pelser
1975 – 1981:
Mnr HS Bosman
1983 – 1994:
Mnr SL Booysen
1994 – 2000:
Mnr HC van der Merwe
2001 – 2014:
Mnr L Bantjes
2014 – huidig:
Mnr D Mathee